U-Andile Jali ubesengajabule kwiMamelodi Sundowns.

Written by Ayanda Nyuswa on 15 July, 2023

By: Simtho Dladla

U-Andile Jali usetshele ezemidlalo zeGagasi FM ukuthi ubesejabule neze eqenjini le-Mamelodi Sundowns. UJali usesayine inkontileke yeminyaka emibili neMoroka Swallows emva kokushiya kabuhlungu kuSundowns.

UMhlekazi, njengoba ebizwa kanjalo uthi kunabantu ngaphakathi eqenjini le-Sundowns abekade bemluleka ukuthi aqhubeke ahlale kuleliqembu izinto zisangashintsha kodwa kwayena ubeseqala ukubona isimo siya ngokuba muncu.

Emva kokuvela kwamahebezi ukuthi yena nomlingani wakhe uSipho Mbule bafike ejimini bedle amanzi amponjwana, uJali akaphindanga wabonakala kuleliqembu izinyanga ezintathu engadlali. Uqhuba ngokuthi akanikwanga nethuba lokuvalelisa kuleliqembu nokuyinto emphathe kabi kakhulu.

Inkontileka yakhe ibisifinyelela emaphethelweni uma kuphela inyanga ka-June kanti bese kunamaqembu amaningi amgaqele esingabala i-Cape Town City FC, AmaZulu FC, Sekhukhune United kanye ne-Orlandio Pirates.

Isizathu esenze uJali kwaba lula ukuthi asayine kuSwallows ingenxa yokuthi ubengafuni ukushiya umndeni wakhe eGoli, nahlale phansi nomphathi wakhe uMike Makaab ekutheni amtholele iqembu eliseduze nomndeni wakhe.

image: Moroka Swallows