U-Duduzani Ukhuza Udlame

By: Bright Ntuli

Indodana kaloyo owayengumengameli wezwe uJacob Zuma, uDuduzani, isizichithile izinsolo zokuthi yiyo ephehle udlame oluqhubeka kulesifundazwe selokhu kwaboshwa uyise.

U-Zuma uqale isigwebo sakhe sezinyanga ezingu 15 ngesontoeledlule, ejele lase Estcourt maphakathi nesifundazwe, kulandela ukutholwa enecala lokudelela inkantolo yomthethosisekelo.

Lokhu kungemuva kokuthi uZuma ewushaye indiva umyalelo walenkantolo wokuthi ayovela phambi kwekhomishana ephenya izinsolo zokugwamandwa kwamandla ombuso.

Kanti kuthe ngoLwesihlanu olwedlule kwabe sekuqala imibhikisho yalabo abebephikisana nokuboshwa kuka Zuma, nesigcine isinodlame, ukucekelwa phansi kwempahla kanye nokuhlaselwa kwezitolo kutatshwe impahla.

I-DA isivulele uDuduzani kanye nezingane zakwabo ezimbili icala, ibasola ngokususa loluthuthuva.

Kodwa emyalezweni oqoshiwe, uDuduzani usenxuse abaqhuba lemibhikisho ukuthi bayeke njengoba ethi bacekela phansi igama lika yise.

powered by Advanced iFrame. Get the Pro version on CodeCanyon.