U-Gumede Uqumbe Phansi uNyawose

By: Bongani Gina

U-Zandile Gumede useqokwe njengosihlalo omusha we-ANC eThekwini.

U-Gumede unqobe ukhetho ezihlalele ekhaya ngesikhathi kuqhubeka ingqungqthela yokukhetha ubuholi obusha besifunda iTheku izolo.

Ubetholene phezulu noThabani Nyawose esikhundleni sokuba ngusihlalo, kanti umshaye ngamavoti angu 210, uNywose yena uthole amavoti angu 181.

Kube nenjabulo enkulu eDurban ICC lapho kade kubanjwelwe khona lenkomfa,  izithunywa zijabulela ukunqoba kuka Gumede.

Abebehamba noGumede uMusa Nciki usekhethwe njengo nobhala omusha wesifunda kanti uThembo Ntuli ukhethwe njengesekela likaSihlalo.

U-Nkosenhle Madlala uphumelele kwesokuba yisekela likaNobhala mase kuthi uZoe Shabalala yena ukhethwe kwesika mgcini mafa, naye engekho