U-Malema Uthi Abantu Abayeke Ukujika Inkulumo Yakhe

By: Lindelani Mbatha

Umholi weEFF uJulius Malema uthi akakaze nangelilodwa ilanga athi abantu bokufika kumele bathathe yonke imisebenzi kuleli.

U-Malema ukhulume kanje nabezindaba ngesikhathi eyohlola ukuthi izindawo zokudlela eGoli, ziyawulandela yini umthetho wokuqashwa kwabasebenzi.

Ekuqaleni kwalenyanga ubuholi beEFF bathembisa ukungena zonke izindawo zokudlela, amahotela kanjalo nezokuvakasha, ukubheka inani labantu bokufika abaqashwe kuzona.

Sekukaningi abantu bakuleli besola leliqembu ngokugqugquzela ukuthi abantu bokufika kube yibo abaqashwa ezindaweni eziningi.

U-Malema uthi bona bakubeka kwacaca ukuthi imithetho yokuqashwa kwabasebenzi kumele ilandelwe futhi bahole ngendlela efanele, kungakhethwa ukuthi umsebenzi uvela kuliphi izwe.

powered by Advanced iFrame. Get the Pro version on CodeCanyon.

[MUST WATCH]: CIC @Julius_S_Malema says the EFF will continue from time to time, visiting restaurants but not only that . We will also visit different institutions especially where we get tipoffs, in the security industry, hospitality industry and farms. #MalemaRestaurantVisit pic.twitter.com/fICvB4qdex

— Economic Freedom Fighters (@EFFSouthAfrica) January 19, 2022