U-Mavimbela Uthi iKZN Ilahlekelwe NgoMgilija

By: Zilungile Mkhize

UNgqongqoshe wezobuciko namasiko KwaZulu-Natal uHlengiwe Mavimbela uthi isifundazwe silahlekelwe kakhulu ngokudlula emhlabeni kwalowo obengumdidiyeli wamabutho esizweni samaZulu, uZihogozelanga Mgilija Nhleko.

U-Nhleko ushone izolo ebusuku eseneminyaka engu-72 ubudala kulandela ukugula isikhashana.

Usebenze kakhulu neSilo esesakhothama, kanti uzokhumbuleka nangemisebenzi yakhe ehamba naso namabutho nasemazweni aphesheya okubalwa ne United Kingdom.

U-Mavimbela uthi isizwe samaZulu ikakhulu amabutho, sifunde lukhulu oluthinta inqubo yesintu, nokunye okuningi kuMgilija, ngakho ukushona kwakhe kuzoshaya kuzwele esizweni sonke.

powered by Advanced iFrame. Get the Pro version on CodeCanyon.