U-Mbalula useveze ukuthi i-ANC isezinhlelweni zokushela u-Ndlozi.

Written by on 21 January, 2025

By: Buhle Mbhele

UNobhala Jikelele we-ANC uFikile Mbalula uthi basezinhlelweni zokuthi bakhulume nowayeyilungu le-EFF ePhalamende, uMbuyiseni Ndlozi ukuthi ajoyine lenhlangano.

UMbalula uchaze uNdlozi njengelungu elihle lomphakathi nosopolitiki oqavile, kanti i-ANC ibona ingazuza lukhulu uma engawelela ngakuyo.

Kuzokhumbuleka ukuthi i-EFF imemezele ukwesula kukaNdlozi esikhundleni sakhe sokuba yiLungu lePhalamende ekuqaleni kwale nyanga, ngemuva kokuthi kuvele amahlebezi athi uselishiyile leliqembu, ngesikhathi engabonwa nagokhalo kwinkomfa i 3rd NPA ngoDicember nyakenye.

Ekhuluma nabezindaba izolo kulandela umhlangano wesigungu esiphezulu se ANC, i-NEC yezinsuku ezimbili ngempelasonto, uMbalula uthi banesizathu esiqavile sokuthi baqale izingxoxo noNdlozi.

Iphephandaba i-Mail&Guardian libika ukuthi kamuva nje, uNdlozi usebonakale kaningi nomholi ophezulu we-ANC eClerens, eFree State, osekuqubule amahlebezi okuthi iqembu lisebenzisa ubudlelwano bomndeni obunesikhathi eside nomunye wabaholi balo ukumshela, kanti iyamazi ukuthi ungubani lomholi.

 

 


Gagasi FM

What You Want to Hear



Background