U-Mkhize Usencome Amagalelo Othisha Nabafundi base-Willow

By: Nompendulo Ngubane

Ilungu lesigungu esiphezulu se-ANC, uZweli Mkhize, lithi ukukhuthalela ukufunda kwabantu abasha yikho okuzofukula lelizwe, lithuthuke ngokwamakhono ahlukene kanjalo nezomnotho.

U-Mkhize owayengu Ngqongqoshe wezeMpilo kuzwelonke usho lokhu emcimbini wokubonga nokuhlonipha othisha bezikole ezahlukene zase Willowfontain ePietermaritzburg, ngegalelo labo ezikoleni zakulendawo.

Lomcimbi ohlelwe wuphiko lwentsha lwe-ANC khona eWillow, ububanjelwe ehholo lomphakathi kanti bonke othisha banikezwe izitifiketi okuhloswe ngazo ukubakhuthaza.

U-Mkhize usenxuse abafundi ukuthi babambisane nothisha ngokuthi bangazibandakanyi nezinto ezingalungile njengokudla izidakamizwa, kanye nokuzibandakanya nezocansi.

powered by Advanced iFrame. Get the Pro version on CodeCanyon.