U-Motsoaledi Uphefumula Ngokuthengwa Kwezinkomfa

By: Lindelani Mbatha

Oyilunga lesigungu esiphezulu ku-ANC uAaron Motsoaledi uthi ukhathazekile ukuthi kukhona abasebenzisa imali ukuthenga amavoti kulenhlangano.

U-Motsoaledi ubekhuluma engqungqutheleni yokukhetha ubuholi besifunda iChris Hani, eEastern Cape.

Cishe izinsolo ezifuze lezi sekuyinsakavukela ku-ANC njengoba naseThekwini kuqhamuke imibiko efanayo yokuthi kukhona abasebenzise imali ukukhokhela izithunywa ezithile, ukuze zizovotela uhlangotho oluthile njengoba kubanjwe inkomfa yokukhetha ubuholi besifunda iTheku ngempelasonto.

U-Motsoaledi uthi amalunga alenhlangano kumele angakuvumeli ukusetshenziswa, kanye nokuthi athengwe.