U-Mshengu Ubungaza Iqembu Labesifazane

By: Nompendulo Ngubane

UNgqongqoshe wezemfundo KwaZulu-Natal, uKwazi Mshengu usenxuse abafundi ukuthi bathuthukise amathalente abo kwezemidlalo, bangazihlanganisi nezidakamizwa nokukhulelwa besebancane.

U-Mshengu usho kanje lapho umnyango awuholayo kanye nehhovisi lika Ndunankulu libungaze ukubuya kweqembu lebhola kwabantwana bamantombazane abadlala ibhola lezinyawo besikole samabanga aphezulu, i-Edendale Technical eMgungundlovu.

Leli qembu lamantombazane lihambe layomela iNingizimu Africa ezweni i-Democratic Republic of Congo kumqhudelwano, iPan African Schools Championships.

U-Mshengu uthi yize lamantombazane engabuyanga nendebe, kodwa kuyajabulisa ukuthi amahlanu kuwona aqokwe ukuthi ayodlalela iqembu lesizwe labaneminyaka engaphansi kuka-17.

Uthi uhulumeni uzibophezele ukuthi abafundi bathuthukiswe baye phambili kwezemidlalo futhi kube yinto abazokwazi ukuziphilisa ngayo.

powered by Advanced iFrame. Get the Pro version on CodeCanyon.