U-Myeni Akalubhadanga Kwikhomishana kaZondo

Owayengusihlalo webhodi lakwa South African Airways (SAA), uDudu Myeni, usehlulekile ukuzovela kukhomishana ephenya nge-State Capture njengoba bekuhleliwe namuhla.

uMyeni bekulindeleke azoqhubeka nobufakazi bakhe, kanti namuhla bekuzogxilwa ezinsolweni athinteka kuzo zakwa-Eskom, kulandela ukuvela ukuthi wayebuye abeyingxenye yezinhlelo zakhona ngendlela engaqondakali.

Ummeli wakhe usetshele usihlalo walekhomishana, uRaymond Zondo, ukuthi abakwazanga ukuthola wonke amafayela adingekayo ukuthi uMyeni akwazi ukuphendula imibuzo ngendlela.

Nokho, uZondo usezame ukuba uMyeni afakaze ngohlelo lwa-online kodwa nalokhu akukalungi njengoba lowo ohola ukwethulwa kobufakazi uAdvocate Kate Hofmeyer ethi ngeke kusize nalokhu okwamanje njengoba uMyeni engakawatholi amafayela athi uyawadinga.

uHoffmeyer uthi uMyeni kumele azi ukuthi ukungafiki kulekhomishana ekubeni sekuphele amasonto atshelwa ukuthi azovela kuyicala.

powered by Advanced iFrame. Get the Pro version on CodeCanyon.

Khonamanjalo, uZondo uthi ukhathazekile ukuthi kungani iphalamende lingakamuvuleli uMyeni icala, kanti futhi usejwibe ithimba lakhe lekhomishana ukuthi limvulele icala lokwephula imigomo.

Uqhuba ngokuthi uMyeni kufanele avele kulekhomishana ngo 2 ntambama, khona namhlanje.