U-Njomane Uhlabane No-Distinction Abawu-7
Written by Mfundo on 21 January, 2022
By: Nompendulo Ngubane
Omunye wabafundi baka matikuletsheni ophumelele ngamalengiso esifundeni uMgungundlovu, uthi yize bebefunda ngaphansi kwengcindezi kodwa ukulandela izeluleko zothisha yikho okusize kakhulu.
U-Ntethelelo Mhlongo ofunda esikoleni samabanga aphezulu, iLuthando endaweni yase Mpendle ngaphandle kwedolobha iPietermaritzburg, uphume ihlandla lesine esifundeni uMgungundlovu kanti uhlabane no-distinction abangu-7.
Lesi sifunda sithole indawo yesikhombisa ngokwemiphumela ka matric ka 2021 ezingeni lezifunda ngama phesenti angu-76,5%.
Imiphumela yebanga leshumi esifundazweni sakwaZulu-Natal imenyezelwe ngokusemthethweni uNgqongqoshe wezeMfundo uKwazi Mshengu nalapho encome khona abafundi bonyaka ka-2021 ngokuphasa kahle yize kube nezingqinamba.
Ekhuluma nezindaba ze Gagasi FM, uMhlongo uthi uphumelele nje ngoba esebenze kanzima nangokuzimisela.
Khonamanjalo, uthisa nhloko wakulesikole uZodwa Nxele usezwakalise injabulo nokuziqhenya kwakhe ngemiphumela.
