U-Peters Uthi Akathinteki Kwinkohlakalo Yakwa PRASA

By: Bright Ntuli & Zilungile Mkhize

Owayengungqongqoshe wezokuthutha kuzwelonke, uDipuo Peters, usevele phambi kwekhomishana ephenya izinsolo zokudliwa kombuso iState capture.

U-Peters uvele njengoba lekhomishana isibuyela ekubhekeni izinsolo zenkohlakalo ekubikwa ukuthi yenzeka kwa Passanger Rail Angency South Africa (PRASA).

Ethula obakhe ubufakazi kulekhomishana uPeters useziphikile zonke izinsolo zokuthi uyabandakanyeka kulenkohlakalo.

UPeters uthi akakaze azihlanganise nokukhishwa kwamathenda.

UPeters uqhuba ngokuthi akahambisani nobufakazi obuthi ngesikhathi uJacob Zuma esenguMengameli wayefuna kubuyiselwe uLucky Montana esikhundleni sokuhola iPRASA.

uMontana wayesekade asula kulesikhundla.

Ngonyaka odlule, owayengusihlalo webhodi lakwa PRASA uPopo Molife watshela lekhomishana ukuthi uZuma wayenako ukugxwambukela emisebenzini walelibhodi, egcizelela ngokuthi wabayalela ukuthi babuyisele uMontana emsebenzini.

uPeters uphawula kanje ngalobufakazo.