U-Ramaphosa Usekulungele Ukuyobona ISilo Sigcotshwa

By: Lindelani Mbatha

Umengameli uCyril Ramaphosa usasemukele isicelo sokuthi abe yingxenye yokubekwa ngokusemthethweni kweSilo samabandla wonke, uMisizulu kaZwelithini.

ISilo saqokwa ukuba sihole uZulu wonkana emvakokukhothama kweSilo uZwelithi kaBhekuzulu.

U-Misuzulu kulindeleke ukuthi angcotshwe ngokusemthethweni ekupheleni kwenyanga ezayo.

Kwenzeka lokhu nje, kukhona abangeneme ngokuqokwa kwakhe ukuthi abe yiSilo samaZulu.

Uhlangothi olunganeme noluholwa uMtwana uMbonisi Zulu kanye nomtwana uThembi, bafune umholi wamaZulu akhethwe kwenye indlu, hhayi lena kaNdlunkulu uMantfombi Dlamini-Zulu.

Umtwana uSimakade yena usevele wathumela uMengameli uRamaphosa amaphepha achitha ukugunyaza kwakhe uMisuzulu kaZwelithini njengesilo.

Khonamanjalo, uNdunankulu wesizwe samaZulu umtwana uMangosuthu Buthelezi umile kwelokuthi uMisuzulu nguye okufanele ahole isizwe njengokusho kwencwadi yamafa kaNdlunkulu uMantfombi.

Ukugcotshwa kweSilo kulindeleke ukuthi kube ngomhlaka 28 May, okuyinyanga ezayo.