U-Ramaphosa uthembisa ubulungiswa emva kokubulwa kwabantu abangu 18.
Written by Phakeme Mnguni on 30 September, 2024
By: Zilungile Mkhize
UMengameli Cyril Ramaphosa uthi ubulungiswa buzokwenzeka kulandela isigameko sokudubulana sangoLwesihlanu eLusikisiki e-Eastern Cape esidlule nemiphefumulo yabantu abangu-18, iningi labo okungabesifazane.
Kulaba, abangu 13 babo ngamalungu omndeni owodwa.
Kwenzeka lesigameko nje, umndeni wezisulu ubuphezu kwamalungiselelo omcimbi wokwembulwa kwetshe lethuna lezihlobo ezimbili ezabulawa ngonyaka odlule.
URamaphosa udlulise amazwi enduduzo emindenini, waphinde waqinisekisa ukuthi amaphoyisa atshale abaseshi abangongoti nochwepheshe bezobunhloli ukuthi baphenye.
