U-Ramaphosa Uthi Babuyisa Imali Eyebiwe

By: Bright Ntuli

UMengameli Cyril Ramaphosa uthi seluqalile uhlelo lokuqoqa kubuyiswe yonke imali eyebiwa emabhizinisini kahulumeni kanjalo nasemnyangweni eyahlukene ngenxa yenkohlakalo nokukhwabanisa.

U-Ramaphosa usho kanjena ephendulo imibono kanjalo nemibuzo eqhamuke kumalungu ePhalamende ngesikhathi enenkulumo mpikiswano nge-State of the Nation Address ayethula ngolwesine olwedlule.

Usekuqinisekisile ukuthi izinhlelo zangaphakathi zokuqondiswa kwezigwegwe kwalabo abathintekayo, nazo seziqalile.

U-Ramaphosa uthi zonke izikhulu zikahulumeni ezithinteka enkohlakalweni yokuthengwa kwezimpahla zokuzivikela kuCOVID-19, nekwaphuma izizumbulu zemali eyayibhekelele ukuthi iqhube lomsebenzi, zisazoziphendulela.

powered by Advanced iFrame. Get the Pro version on CodeCanyon.