U-Ramaphosa Uyazihlangula Ezenzweni Zenkohlakalo

By: Lindelani Mbatha

UMengameli uCyril Ramaphosa uthi waqala ukuzwa ngenkohlakalo kanye nokubanjwa ngobhongwane kombuso ngabezindaba kanye nangehovisi likamvikeli womphakathi.

U-Ramaphosa wethula ubufakazi kukhomishana kaZondo ephenya izinsolo zokugwamandwa kwamandla ombuso.

Umengameli uRamaphosa ungabanye babaholi beANC abasola ubuholi bukalowo owayengumengameli wezwe uJacob Zuma, bamsola ngokuhluleka ukuhola ngobuqotho, nabathi inkohlakalo eningi ibonakale ngaphansi kobuholi bakhe.

U-Ramaphosa uthi ngesikhathi kuvela inkohlakalo kanye neState capture wayenezinto ezinhlanu kuphela okumele azenze, ukusula esikhundleni, ukuqhubeka kodwa ayishaye indiva inkohlakalo, ukulwa ngaphakathi angashiyi noma ukufeza isifiso sokuthi ngelinye ilanga abe ngumengameli ukuze ezoqeda nya inkohlakalo, nathi yilokhoke akhetha ukukwenza.

powered by Advanced iFrame. Get the Pro version on CodeCanyon.