U-Shenge Ugxeka Okwenzeka eNkandla
Written by Mfundo on 5 July, 2021
By: Bongani Gina
U-Mntwana uMangosuthu Buthelezi uthi lokhu okwenzeka eNkandla ukubona kungehlukile nokuzama ukuketula umbuso.
U-Buthelezi ubekhuluma esithangamini sabezindaba oLundi, enyakatho yakulesisifundazwe, njengomuntu owumholi omdala wakulelizwe.
Izinkumbi zabalandeli bakaZuma zibuthane emzini wakhe eNkandla kwaDakwadunuse, ukuyomeseka kusukela alahlwa yicala enkantolo yomthethosisekelo.
Lenkantolo imgweba izinyanga ezingu-15 ebhadla ejele ngokuyedelela, emvakokushaya indiva umyalelo wayo wokuthi ayovela kukhomishana ephanya izinsolo zokugwamandwa kwamandla ombuso, iState Capture.
Uthi kuzobe kungaqali ngowayengumengameli wezwe, uJacob Zuma ukuboshwa komholi onohlonze.
U-Buthelezi uqhuba ngokuthi akufanele abantu beyonqwabelana eNkandla ikakhulukazi njengoba kuhlasele neCOVID-19 nje.
powered by Advanced iFrame. Get the Pro version on CodeCanyon.
Continue reading
