U-Shenge Usecacisile Ngokugcotshwa KweSilo

Written by on 18 March, 2022

By: Sthulile Mdletshe

Undunankulu wesizwe samaZulu Inkosi uMangosuthu Buthelezi uthi uzosebenzisana nohulumeni wesifundazwe ukuhlela ukugcosthwa kweSilo.

Lokhu kuza njengoba izinyane leSilo uMisuzulu kaZwelithini, selimenyezelwe ngokusemthethweni nguMengameli Cyril Ramaphosa njengeSilo samaZulu.

Isinqumo sika Ramaphosa siza emva kokuthi inkantolo yamajaji ePietermaritzburg iveze ukuthi uMisuzulu uqokwe yindlunkulu ukuthi abengumholi wesizwe samaZulu ngokungephikiswe.

Akukacaci ke ukuthi umsebenzi wokugcosthwa kweSilo uzobanini, kodwa ekhuluma nabezinda u-Buthelezi uthi ngokwesiko kuzomele kuqale umsebenzi wehlambo, kulandela ukukhothama kuka-Mdlokombane.

Uthi noma bengakalukhiphi usuku kodwa lomcimbi uyaye ube ngezikhathi zasebusika.

powered by Advanced iFrame free. Get the Pro version on CodeCanyon.


Gagasi FM

What You Want to Hear



Background