U-Steenhuisen Usekhwele Wadilika ku-Ramaphosa

By: Bright Ntuli

Umholi we-DA, u John Steenhuisen, usekhwele wadilika kumengameli, uCyril Ramaphosa, emsola ngokhombisa ukuchema namalungu enhlangano yakhe kunokuvikela izwe.

U-Steenhuisen ukhulume kanje ngenkathi ezwakalisa ulaka lwakhe ngokugcwala kwezinkumbi zabalandeli bakaloyo owayengumengameli we-ANC u Jacob Zuma, ngaphandle kwekhaya lakhe eNkandla enyakatho yeKZN.

Kusukela ngesonto eledlule, amakhulu ngamakhulu abalandeli baka Zuma bathutheleke ngobuningi eNkandla ukuzomeseka kulandela ukuthi inkantolo yomthethosisekelo imgwebe ukuthi abhadle ejele izinyanga ezingu-15 ngokuyishaya indiva imiyalelo yayo yokuthi ayoziphendulela kwikhomishana ephenya ngezinsolo zokugwamandwa kwamandla ombuso.

Labalandeli bathole ukugxekwa nxa zonke njengoba abanye bebengazifakile izifonyo futhi bengakuqikeleli nokuqhelelana, nokuyizinto eziphambene nemigomo yokuvikela ukubhebhetheka kwegciwane iCOVID-19.

U-Steenhuisen uthi akuwenzi umqondo ophusile ukuthi uRamaphosa avale izindawo zokudlela, kanye notshwala ekubeni ededela obhululu bakhe bahlangane ngobuningi kaZuma.