U-Zikalala Uthi Bahlomile Ukubhekana Nodlame Oluhlelwayo e-KZN

By: Lindelani Mbatha

UNdunankulu wakwaZulu-Natal uSihle Zikalala uthi uhulumeni wakulesifundazwe uzoqinisekisa ukuthi azenzeki izibhelu okuhlongozwa ukuthi zizoba ngesonto elizayo.

U-Zikalala ubephawula kulandela ukusabalala kwemibiko eveza ukuthi kuzoba nezigameko zodlame oluzobhekiswa ezikhungweni zikahulumeni okufaka phakathi iziteshi zamaphoyisa, izinkantolo kanye namahhovisi omasipala.

Kuzokhumbuleka ukuthi izinsongo ezifuze lezi zitholakele ngenyanga eyedlule, nokwaholela ekutheni kucekelwe phansi izitolo kwaphinde kwafa nabantu abangaphezu kuka-300 ezifundazweni iKZN kanye neGauteng.

U-Zikalala uthi sebebikele abomthetho ngalokhu.