U-Zikalala Uthi Banezinhlelo Zokuthuthukisa Impilo Yawowonke Umuntu

By: Bright Ntuli

UNdunankulu wakwaZulu-Natal uSihle Zikalala, uthi uhulumeni wakhe uzibophezele ekusebenzisaneni nezinhlaka ezahlukene ukwenza i KZN ibe yindawo enempumelelo kuwona wonke umuntu.

U-Zikalala usho kanje ngemva komhlangano abe nawo nobuholi buka masipala waseMsunduzi, maphakathi nesifundazwe.

Inhloso yalomhlangano bekuwukudingida ngezindlela ezingasetshenziswa ukuqinisekisa ukuthi usebenza ngendlela efanele.

U-Zikalala uthi lomhlangano ube yimpumelelo kanti uqhuba ngokuthi bayakholwa ukuthi izikhalo ekade zaziphakanyiswa umphakathi walendawo, osomabhizinisi kanye nezinye izinhlaka zidinga ukusukunyelwa ngokushesha.