Ubhekene Nezembe uSitole

By: Lindelani Mbatha

Ukhomishana wamaphoyisa kuzwelonke uKehla Sitole usenikezwe incwadi emazisa ngokumiswa kwakhe emsebenzini.

U-Sitole unikezwe izinsuku eziyisikhombisa kuphela ukuthi achaze ukuthi kungani kumele angamiswa emsebenzini.

Ekuqaleni konyaka inkantolo yamajaji ePitoli yathola uSitole kanye namasekela akhe benecala lokuphula imigomo yokusebenza kwabo ngokungahlinzeki ulwazi olwanele uphiko oluphenya ngokuziphatha kwamaphoyisa i-IPID, ezinsolweni zenkohlakalo ababeziphenya emaphoyiseni.

Lenkantolo yaphinde yayalela uKhomishana ukuba aqinisekise ukuthi lonke ulwazi olufunywa yi-IPID iyaluthola.

USitole wabesedlulisela lesisinqumo enkantolo yokudlkuliselwa kwamacala eBloomfontein, nayo eyafike yasichitha isicelo sakhe.

Ulengelwa yinkemba yokumiswa noma yinini emsebenzini.