UBheki Cele Uthi Sekubekwe Imali Engu-65 Million Yokulwisana Nobugebengu Kuleli

Written by on 30 May, 2023

By: Lindelani Mbatha

UNgqongqoshe wamaphoyisa uBheki Cele uthi umnyango wakhe usubeke eceleni imali elinganiselwa ku-R65 million  ukuze bezobhekana nokubulawa kwabantu kanye nobugebengu.

UCele ukhulume kanjena ngesikhathi ethula izibalo zakamuva zobugebengu kuleli.

Lezizibalo ziveza ukuthi zehle ngo-3.4% izigameko zokubulawa kwabantu kodwa ke ezokudlwengulwa zona zisalokhu zibikwe njalo njengoba kusukela ngoJanuary sebengaphezu kuka-11 000 abantu ababike amacala okunukubezwa ngokocansi.

Isifundazwe saKwaZulu-Natal sisalokhu sizihole phambili ngezigameko zokubulawa ngobuningi kwabantu, njengoba sinezisulu ezingaphezu kuka-200.

UCele uthi ngokunikezela amaphoyisa ngalemali bafuna ukulwa nobugebengu ngayoyonke indlela.

powered by Advanced iFrame. Get the Pro version on CodeCanyon.


Gagasi FM

What You Want to Hear



Background