Ubumnyama Abuyi Ndawo….

By: Zilungile Mkhize

Inkampani enkulukazi ehlinzeka lelizwe ngogesi iEskom, ithi yize isiqalise ukusebenza futhi kweziphehli zikagesi ezingu 12, uhlelo lwe load shedding lusazoqhubeka nakulelisonto.

U-Eskom uthi ukucima kukagesi ngaphansi kwalolohlelo, noluhamba ngezigaba ezahlukene kuyoze kunqamuke ngomgqibelo ekuseni.

Iningi lezikhungo zikagesi kuleli, nesezindala kakhulu bezicishile ngeviki elidlule, nokuyinto edala izinkinga eziningi kwezomnotho.

Okhulumela uEskom uSikhonathi Mantshantsha uthi benze konke okusemandleni ukuqinisekisa ukuthi iziteshi ebezinenkinga ziyalungiswa khona zizoqhubeka nokusebenza.

powered by Advanced iFrame. Get the Pro version on CodeCanyon.