UDlamini-Zuma usenxuse ukuthi utshwala bungaphuzwa ngokweqile
Written by Lethiwe Mdluli on 18 August, 2020
Ungqongqoshe wakwaCogta, uNkosazane Dlamini-Zuma, usenxuse labo abaphuza utshwala ukuba bakwenze ngokukhulu ukuqaphela.
uDlamini Zuma ubethulela abezindaba imigomo okumele ilandelwe njengoba imigomo yeLockdown seyehlele kuLevel-2.
Kusukela namhlanje kuya kulwesine utshwala sebuyatholakala.
uDlamini Zuma uthi abantu kumele bakuyeke ukuthi uma sebephuze beshayele izimoto baphinde bahlukumeze abasifazane nezingane.
Listen here:
Podcast stream by Fabrik.fm
Khonamanjalo inhlangano yabadayisi botshwala, iBeer Association of South Africa, isinxuse izakhamuzi ukuthi ziziphathe ngendlela efanele uma seziphuzile zingavumeli utshwala bubuse impilo yazo.
Lenhlangano ithi ukuvulwa kotshwala akusho ukuthi sekumele kube nezinkinga ezizokwenza kube nzima ukulwiswana nobhubhane iCovid-19.
Uhulumeni wavala utshwala ngemva kokuthi kubonakale ukwanda kwabantu abangeniswa ezibhedlela ngenxa yezingozi noma ukulimala okuhlobene notshwala ngaleskhathi izwe lizama ukuhlenga labo abatheleleke nge coronavirus.
By: Lindelani Mbatha & Zilungile Mkhize
