UDube-Ncube Usencome Ezobuchwepheshe Ngokonga Imali

By: Bongani Gina

UNgqongqoshe wezezimali KwaZulu-Natal, uNomusa Dube-Ncube, uthi indlela yesimanje yezokuxhumana nokusebenza isiza kakhulu ekunciphiseni izindleko nasekusizeni abantu ukulondoloza imali.

UDube-Ncube usho lokho, usekhulume nabaphathi bezimali eminyangweni nakomasipala abahlukene bakulesifundazwe, njengoba kulindeleke ethule isabelozimali seKZN ngesonto elizayo.

Uthi ukubamba imihlangano nokusebenzela ekhaya kusetshenziswa ezokuxhumana ngobuchwepheshe besimanje, kunemiphumela emihle kakhulu.