UDuma Uthi UBarker Ubenamagalelo Okuhlanganisa Izinhlanga
Written by Mduduzi Phungula on 15 June, 2023
By: Zilungile Mkhize
UNgqongqoshe wezokuthuthukiswa koMnotho uSiboniso Duma uthi loyo owayengumqeqeshi we-Bafana Bafana uClive Barker ungomunye wabantu ababenokuqonda okujulilie ukuthi umdlalo webhola unamandla okuhlanganisa
abantu.
Uthi uBarker wabonakala edlala indima enkulu yokusebenzisa lomdlalo ukuhlanganisa abantu bezinhlanga ezahlukene, esikhathini lapho izwe lisasanda kuholwa uHulumeni wentango yeningi.
UBaker obeseneminyaka engu-78 ubudala ushone ngoMgqibelo ngemva kokugula iskhathi eside.
UDuma ukhulume enkonzweni yomngcwabo wakhe obanjelwe e-Olive Convention Centre eThekwini nalapho echaze wagqamisa amagalelo kaBarker.
