Udutshulwe washona owadubula abazali phambi kwengane ena-3.
Written by Phakeme Mnguni on 11 September, 2024
By: Xolani khumalo
Owesilisa obefunwa ngecala lokubulala useshonile kulandela ukudubulana namaphoyisa, eCato Manor, eThekwini.
Ushonile owesilisa obefunwa ngecala lokubulala kulandela ukudubulana namaphoyisa, eCator Manor eThekwini.
Lomosolwa ubeyamaniswa nesigameko sangesonto eledlule sokudutshulwa kubulawe owesilisa oneminyaka engu-39 ubudala, kanye no nkosikazi wakhe phambi kwengane yabo eneminyaka emithathu ubudala.
Unkosikazi waphuthunyiswa esibhedlela esisimweni esubucayi, ngemva kokudutshulwa ekhanda.
Umkhondo wamaphoyisa uwaholele endaweni abebhace kuyo lomsolwa e Cator Manor.
Imibiko ihlongoza ukuthi lomsolwa umane wavulela ngenhlamvu ebhekise emaphoyiseni, nawo abe eseziphindiselela.
Kulesigameko kudubuleke nephoyisa elilodwa, nokho lasindiswa izimpahla zokuzivikela ebelizigqokile.
Okhulumela abezimo eziphuthumayo abanikele endaweni yesigameko wakwa-ALS uGarieth Jameson uthi bafike endaweni yesigameko bathola umsolwa edutshulwe amahlandla amaningi eseshonile, kanti iphoyisa elidubulekile liphuthunyiswe esibhedlela.
