UFrazer Ukhathazekile Ngezigameko Zodlame Ezikoleni

By: Lindelani Mbatha

UNgqongqoshe wezeMfundo KwaZulu-Natal, uMbali Frazer uthi ukhathazekile ngokwanda kwezigameko zokuhlaselwa kwabafundi kanye nothisha ezikoleni.

UFrazer uphawule kanje  emvakokuba kuhlaselwe abafundi kanye nothisha besikole iGeorgetown esisePietermaritzburg.

Kulesisigameko kungene abantu abangaziwa abathathu behlomile bafuna ngodli omakhalekhukhuni kanye nemali kubafundi kanye nakothisha ebebefundisa ngezikhathi zakusihlwa.

Ngesonto eledlule kungwazane abafundi esikoleni iMandlenkosi High esiseNtuzuma enyakatho yeTheku nokuholele ekutheni kudlule emhlabeni umfundi webanga leshumi.

UFrazer uthi abakwasidlodlo kumele benze konke okusemandleni ukuthola lezigilamkhuba.

powered by Advanced iFrame. Get the Pro version on CodeCanyon.