Uhlaka Olusha Lokulwa Nenkohlakalo Kwa-SASSA

By: Lindelani Mbatha

Oyisikhulu esiphezulu kwaSassa, uBusisiwe Memela, uthi sebesungule uhlaka oluzobhekana gqo nobugebengu obenzeka kulesisikhungo.

uMemela ubevele phambi kwekomidi lezenhlalakahle ephalamende, ngezinhlelo zalesisikhungo zokwenza kahle umsebenzi waso.

Lesisikhungo sibhekene nenkinga yokulahleka kwamakhadi, nokugcina sekuholele ukuthi izinswelaboya kube yizo ezihlomula ngemali yesibonelelo sikahulumeni.

KwaZulu-Natal nje kuzokhumbuleka ukuthi kusanda kuboshwa okusolakala ukuthi ungusihlalo wamatekisi aseNorth Beach uSithembiso Gcaba, owabanjwa namakhadi akwaSassa angu-70.

Wabanjwa ezitamuzela nje imali kuATM esekabeni yeTheku, wabuye wadedelwa ngebheyili ka-R5000.

uMemela uthi sebenohlelo lokuqinisekisa ukuthi bayalwa nalabo abafaka imininingwane yabantu abangafanele.

powered by Advanced iFrame. Get the Pro version on CodeCanyon.