Uhulumeni Ukhathazekile Ngomasipala Abangasebenzi

By: Zilungile Mkhize

Ikomidi elibhekele ukusebenza kwePhalamende lezokuBusa ngokuBambisana selithole ukuthi omasipala abangu-64 sebehlonzwe njengabangasebenzi kahle, kanti abangu 26 sebengaphansi kweso lomlawuli.

Ihhovisi lika Mgcinimafa kazwelonke selenze izethulo ePhalamende mayelana nokusebenza kanjalo namabhuku emikhandlu eyahlukene.

I-National Treasury ithi komasipala abangu 64, bangu-16 kuphela abathathwa njengabazinzile, kanti abangu-12 babo base-Western Cape.

Usihlalo wekomidi lakwa COGTA, uFaith Muthambi, uthi bakhathazeke kakhulu ngomasipala abangasebenzi kahle.

Uthi bazokufakela izibuko nokusebenza kwemikhandlu eyahlukene ese-North West nathi ayenzi kahle neze, kodwa bayajabula ukuthi uMgcinimafa wenze uhlelo lokungenelela ukusiza bonke omasipala abasenkingeni.