Uhulumeni Uthi Uzobathatha Njengabadlwenguli Abakhulelisa Izingane
Written by Mfundo on 2 December, 2021
By: Sthulile Mdletshe
Usekela Ngqongqoshe wezokuthuthikiswa koMphakathi, u-Hendrietta Bogopane-Zulu uthi lilokhu linyuke njalo izinga labantwana abaneminyaka engu-14 okutholakala ukuthi bakhulelwe.
U-Zulu uthi asebekutholile ukuthi labantwana bakhuleliswa ngabantu abadala kakhulu kunabo, okumele engabe yibo ababavikelayo.
Uthi lezenzo zabantu besilisa ziyihlazo futhi zinyusa nezinga lokubhebhetheka kwe-HIV entsheni kuzwelonke.
Uphawula kanjena nje, abacwaningi bakwa Stats SA baveza imibiko eshaqisayo bethi ngonyaka odlule kukhulelwe amantombazane amancane angaphezu kuka-34 000 kubalwa ngisho nezineminyaka engu 10 ubudala.
U-Bogopane-Zulu uthi lesibalo akumele sithathwe njengesokukhulelwa kwentsha, kodwa kube ngamacala okudlwengulwa kwezingane ezincane.
powered by Advanced iFrame. Get the Pro version on CodeCanyon.
