Ukhale Ngaphansi uMduduzi KwelamaNazaretha
Written by Mfundo on 22 June, 2021
By: Lindelani Mbatha
Inkantolo yomthethosisekelo isisichithile isicelo sikalowo obegaqele ukuhola ibandla lamaNazaretha, uMduduzi Shembe.
uMduduzi oyindoda kalowo owayehola lelibandla eBuhleni phambilini uVimbeni Shembe, wafaka isimangalo enkantolo emvakokuvela kwezindaba zokuthi ubabawakhe uqoke uVela Shembe ukuba kube nguye ohola lelibandla.
Inkantolo yokudluliswa kwamacala yavuna uVela njengomholi ofanele ukuhola lelibandla.
Ngo-2019 uMduduzi wabe esedlulisela lesisinqumo enkantolo yomthethosisekelo njengobake nayo isimchithile nje yathi akakhokhele nezindleko zabameli.
Ngesikhathi kuqhubeka lelicala eThekwini, kwama yonke into njengoba amalunga alelibandla ayephume ngobuningi ukuzokweseka abaholi babo.
Ethula lesisinqumo, uJustice Leona Theron uthi loludaba alunaso isisekelo esinqala sezomthetho.
Continue reading
