Ukwesula kuka-Shivambu sekuqinisekise uqhekeko ku-EFF: Gumbi

By: Xolani Khumalo

Ukwesula isigubhukane kukasekela Mengameli we-EFF uFloyd Shivambu sekuziqinisekile izinsolo zezinkinga zangaphakathi kuleliqembu kanjalo nasebuholini balo.

Izolo uShivambu owasungula leliqembu kanye nomholi walo uJulius Malema umemezele ukwesula kwakhe njengelungu lephalamende kanjalo naseqenjini imbala, nokuthi useyojoyina uMkhonto weSizwe Party.

Kuzokhumbuleka ukuthi naphambilini yake yaqubuka imibiko yokuthi kunoqhekeko olukhona phakathi kukaMalema kanye no Shivambu, kodwa kwaba yinto bobili labaholi abayiphika.

Ekhuluma ohlelweni lweGagasi FM Indaba no Alex Mthiyane, umhlaziyi wezepolitiki uKwanele uGumbi uthi yize bekunezinsolo zokungaboni ngasolinye, kodwa okwenzeke izolo akekho obekulindele.

U Gumbi uthi kungenzeka ukuthi uFloyd sekukudala aqala ukuxoxisana neMK kanti njengoba kade eyisekela, kungenzeka ukuthi ubesigaqele isikhundla sokuba ngumholi wewqembu.