UMabe Ukhuza Ukuziphatha Kwamalungu Esigungu Esiphezulu

By: Zilungile Mkhize

I-ANC ithi amalungu alenhlangano aphezulu kufanele aziphathe ngenhlonipho nangendlela efundisa abantu abasha, indlela elungile yokuziphatha nokulandela imigomo.

Okhulumela iANC, uPule Mabe, uthi imithetho nemigomo eyathathwa engqungqutheleni yelenhlangano eNasrec ngo-2017, kufanele ihlonishwe futhi ilandelwe ngendlela efanele njengoba kwavunyelwana.

Ukuphawula kwakhe kulandela izinkulumo ezenziwe ngamanye amalungu esigungu esiphezulu salenhlangano, ngaphandle kwenkantolo yamajaji eMgungundlovu izolo, abezokweseka lowo owayengumengameli we-ANC, uJacob Zuma.

UMabe usetshele abezokusakaza kuleli ukuthi ezinye zalezinkulumo ziyashayisana nendlela yokuziphatha ekumele ilandelwe amalungu kakhongolose.