uMagashule Uncoma Itiye Labo noZuma

By: Sanelisiwe Dlangamandla

UNobhala jikelele we ANC, uAce Magashule, uthi umhlangano ababenawo nowayengumengameli wezwe uJacob Zuma, uhambe kahle kakhulu.

Ubuholi obuphezulu be-ANC  bube nomhlangano noZuma ngezobuchwepheshe  ngoMsombuluko ntambama, ukudingida ngezinto ekubalwa kuzo ukwenqaba kwakhe ukuzokwethula ubufakazi phambi kwekhomishana ephenya izinsolo zokudliwa kombuso.

Ngenyanga eyedlule uZuma ubhale incwadi engamakhasi amahlanu, echaza izizathu zakhe zokwenqaba ukuzovela kulekhomishana, nokubalwa kuzo izinsolo zokuthi ushlalo wayo uRamond Zondo uchemile.

uMagashule uthi lomhlangano ube nezithelo ezinhle.

powered by Advanced iFrame. Get the Pro version on CodeCanyon.