UMagashule Uphuza Itiye KwaDakwa’Dunuse

By: Bright Ntuli

UNobhala Jikele we ANC, uAce Magashule, namhlanje uvakashele loyo owayengumengameli walenhlangano uJacob Zuma ekhaya lakhe eNkandla enyakatho yekwaZulu-Natal.

UMagashule uvakashele uZuma njengoba engaphansi kwenkulu ingcindezi kulandela isiqumo sesigungu esiphezulu salenhlangano, sokuthi bonke labo abasolwa ngamacala kumele bashenxe ezikhundleni ekupheleni kwalenyanga.

Kanti uMagashule osolwa ngokubanesandla enkohlakalweni yethenda yezigidigidi zamarandi yo-Asbestos ngenkathi esangundunankulu wase Free State, kulelisonto uthi uma kunjalo wonke umuntu osolwa ngokwephula umthetho kuzomele enze okufanayo.

Namhlanje ke uMagashule uvakashela uZuma nje ubesevele eke wakuveza phambilini ukuthi uzoyofuna izeluleko kulabo abake baba ngabaholi kulenhlangano.

Khonamanjalo, kulindeleke ukuthi oNobhala bezifundazwe bathumele amagama ekomkhulu beANC, eLuthile House, alamalungu athintekayo ungakashayi u5 ntambama, namhlanje.