UMagashule Uthi Naye Uzowungenela Umbango Kasihlalo We-ANC

By: Sithulile Mdletshe

Unobhala Jikelele we-African National Congress osamisiwe uAce Magashule uthi nakanjani uzolungenela ukhetho lokuba umholi waleli qembu ngoba akanacala.

UMagashule ukhulume nabezindaba ngaphandle kwenkantolo enkulu yaseBloemfontein nalapho ebezovela khona.

Uma engenela uMagashule kulindeleke ukuthi aqhudelane nongqongqoshe wakwa-Cogta uNkosazana Dlamini-Zuma kanye nelunga eliphezulu ku-ANC uZweli Mkhize kanye nomengameli uCyril Ramaphosa ofuna ihlandla lesibili.

UMagashule kanye nezikhulu ezingu-16 babhekene namacala amaningi okukhwabanisa, inkohlakalo kanye nokushushumbisa imali ngesikhathi esangundunankulu waseFree State.

Uthi usamile ekutheni uma eke waqokwa akunamuntu ozokwazi ukuma endleni yakhe eqhuba ngokuthi leli cala likubeka ngokusobala ukuthi inhloso ukubulala nokuhlakaza iqembu le-ANC njengo hulumeni obusayo.

powered by Advanced iFrame. Get the Pro version on CodeCanyon.