Umalusi Uchitha eka-30%

By: Lindelani Mbatha

Oyisikhulu esiphezulu kumkhandlu obhekelela izinga lezemfundo Umalusi, uMafu Rakometsi uthi akekho umfundi kaMatric ongaphasa uma ethole u-30% ezifundweni zakhe.

U-Rakometsi ubekhuluma esithangamini sabezindaba ngesinqumo salenhlangano ukwamukela imiphumela kamatikuletsheni.

Umholi weOne SA Movement uMmusi Maimane ungomunye wabantu bakuleli asebegxeke kakhulu umnyango wezemfundo eyisisekelo ngokuvumela abafundi ukuthi baphase uma bethole u-30% kwesinye sezifundo.

U-Maimane wabesecela ukuthi kube nenkulumo mpikiswano ngalokhu.

U-Rakomatsi uthi ukuphumelela kukamatikuletsheni kuhlukene kathathu kodwa futhi akekho umfundi ongaphasa uma ethole u-30%.

powered by Advanced iFrame. Get the Pro version on CodeCanyon.