UMasipala WeTheku Uthi Usuzivivele Izivakashi

By: Lindelani Mbatha

Umasipala weTheku uthi uziqinise kakhulu ezokuphepha njengoba kulindeleke ukuthi kutheleke izinkumbi zabavakashi kulelidolobha.

Izivakashi seziqalile ukutheleka kulelidolobha ukuzochitha isikhathi samaholidi kancibijane.

Kulindeleke ukuthi amaphoyisa alomasipala angaphezu kuka-2000 kanye nabaqaphi basolwandle baqinisekise ukuthi abavakashi baphephile.

Lelidolobha liphinde laqinisekisa ukuthi lizohlinzeka ngamabhengela angaphezu kuka-200 000 kulabo abazobe behamba nezingane.

Oyisikhulumi salomasipala uMsawakhe Mayisela uthi izakhamuzi kanye nezivakashi kumele zihloniphe amaphoyisa azobe eqaphe isimo.