UMbalula Uthi Akasoze Anaka Osomathuba Abazama Ukungcolisa Igama Lakhe

By: Sthulile Mdlesthe

UNobhala Jikelele we-African National Congress (ANC), u-Fikile Mbalula, usezichithile izinsolo zokuthi wahlomula ngemali ngokungemthetho kwa-National Lotteries Commission.

Lokhu kuvezwe unkosikazi kalowo owayeyisikhulu esiphezulu kwaNational Lotteries Commission uPhilemon Letwaba, u-Molomane Letwaba, ukuthi uMbalula nowayesenguNgqongqoshe wezeMidlalo ngaleso sikhathi,
wathola u-R3-million.

Kuzokhumbuleka ukuti uLetwaba wasula emva kophenyo lweSpecial Investigating Unit olwaveza ukuthi kunezigidi zamaRandi ezakhwabaniswa kulesikhungo.

UMbalula usephike wema ngentaba, ethi kwayena uLetwaba akamazi nokumazi.