Ume Nse Umhlaba Kulandela Ukucisha Kwezinkundla Zokuxhumana

By: Zilungile Mkhize

Oyisikhulu esiphezulu sika-Facebook uMark Zuckerberg uselahlekelwe yimali engaphezu kuka-R90 trillion ngenxa yokucisha kwezinkundla zonke zokuxhumana ezingaphansi kwalenkampani yakhe.

Izolo umhlaba wonke ubhekane nenkinga efanayo cishe amahora ayisithupha kucisha uFacebook, WhatsApp, kanye no Instagram.

Lenkinga iholele ekutheni amasheya ka-Facebook ehle ngo 5% ezimakethe zomhlaba.

Kwayena uZuckerberg uzithole esekhala ngaphansi kwabanye osomabhizinisi abahamba phambili emhlabeni ohlwini iBloomberg Billionaires Index.

Lenkinga yokucisha kwa Facebook, WhatApp kanye no Instagram ilandele ukuputshuka kwemniningwane yomunye umsebenzi ohlabe ikhwelo mayelana nezinkinga zangaphakathi kulezinkampani, ethi izikhulu zibeka phambili imigomo eqhakambisa inzuzo kunokuphepha komphakathi.