Umgomo weCOVID-19 Awuyenzi Lutho Induku – Simelane
Written by Mfundo on 9 February, 2022
By: Zilungile Mkhize
Ungqongqoshe wezempilo KwaZulu-Natal, uNomagugu Simelane, uthi kungamampunge ukuthi imigomo yeCOVID-19 iwisa induku kwabesilisa.
Uthi baningi abantu besilisa abasashaya phansi ngonyawo namanje, bethi ngeke balubhade ukuyothola lomgomo ngenxa yemibiko esithe chithisaka ezweni ngemiphumela engemihle ngalemigomo.
U-Simelane uthi ngisho nabantu besifazane banokungabaza okufanayo, njengoba abanye besakholelwa ukuthi lemigomo iyivala thaqa inzalo.
Ungqongqoshe uthi lezi yizinkolelo nemibono esabalaliswa ngabantu abalwisana nemigomo yeCOVID-19, nathi ayisile neze iqiniso.
Usevakashele isifunda UThukela eMnambithi, nesingezinye ezihamba phambili ngabantu abancane kakhulu asebegomele lolubhubhane kulesifundazwe.
Usenxuse izakhamuzi ukuthi zingadukiswa izinkolelo nemibiko engalungile.
Continue reading
