Umhlaziyi Uthi Kuningi Okusangenzeka Odabeni Lozohola I-ANC
Written by Mduduzi Phungula on 22 September, 2022
By: Lindelani Mbatha
Umhlaziyi wezepolitiki uBheki Mngomezulu uthi ukuphakanyiswa kukamengameli uCyril Ramaphosa yizifundazwe ezingu-5 akusho ukuthi usevele uselitholile ihlandla lesibili.
Izifundazwe iGauteng, iLimpopo, iEastern Cape, iNorthern Cape kanjalo neMpumalanga seziphumele obala ukuthi zeseka uRamaphosa ukuba athole ihlandla lesibili.
Kulindeleke ukuthi aqhudelane noNgqongqoshe wakwaCogta uNkosazana Dlamini-Zuma kanye nelunga eliphezulu ku-African National Congress (ANC), uZweli Mkhize othwelwe ngeqoma yisifunda seTheku.
Akwaziwa ke mbhantshi kujiya njengoba lolukhetho selusemome.
UMngomezulu uthi kusukela manje kuya kuDecember kuningi kakhulu okungatshintsha.
