Umhlaziyi Uthi Lelizwe Kumele Likugade Ukuphawula Kwalo Ngempi ye-Russia ne-Ukraine

By: Lindelani Mbatha

Umhlaziyi wepolitiki yamazwe omhlaba uWandile Msomi uthi kuncane kakhulu okungenziwa yiNingizimu Afrika ukunqanda impi ephakathi kwe-Ukraine kanye neRussia.

Kuzokhumbuleka ukuthi iSouth Africa iyingxenye yobumbano lwamazwe akwi-BRICS, okufakaphakathi nayo iRussia.

Lokhu kungaboni ngasolinye phakathi kwalamazwe kudalwe wukuthi iUkraine ingelinye lamazwe asemdibimunye nenhlangano yombutho wezempi wamazwe angu-28 iNATO, lawomazwe angadlelani nhlobo neRussia.

I-Ukraine ingumakhelwane omkhulu neRussia kanti ukuthatha ubulungu be-NATO kuchaza ukuthi izimbangi ze-Russia, okuyi USA kanye ne-UK, sezizosondela kakhulu kuleliyazwe.

Umengameli wase Russia uVladir Putin usefake amasosha ezifundazweni ezimbili zase Ukraine azahlubuka, iDonetsk kanye neLuhanski.

I-NATO iyonake eyakhipha umyalelo ngo-2011 wokuba kuhlaselwe kusocongwe owayengumholi waseLibya uMuammar Gaddafi, eyayimsola ngokuphula amalungelo abantu.

I-Russia inokwesabake ukuthi lamazwe angaphansi kweNATO asondela ku-Ukraine nje, ngoba efuna ukuzosoconga umengameli wayo uPutin, yingakho benqume ukuqapha ngelibanzi izifunda iDonetsk kanye neLuhanski, ezingumgcele ohlukanisa iRussia namazwe asentshonalanga.

U-Msomi uthi njengoba iNingizimu Afrika idlelana ngokwezomnotho neRussia kanjalo ne ntshonalanga, impela kumele igade ukuphawula kwayo kulempi.