Umhlaziyi wezepolitiki uthi sibaluleke kakhulu isikhundla sika Shivambu.

By: Xolani Khumalo

Umhlaziyi wezepolitiki uThobani Zikalala uthi isikhundla esinikezwe lowo obengusekela Mengameli we-EFF uFloyd Shivambu ngesinamandla kakhulu.

Ngesikhathi iMK Party ibize isithangami sabezindaba izolo imemezela amalungu esigungu esiphezulu saleliqembu, uShivambu ubalwe wabayingxenye yabangu 8 bakulesigungu wabesenikwa isikhundla sokuba umqondisi wezinhlelo ze-MK Party.

Ekhuluma nezindaba zeGagasi FM uZikalala usechaze ngomsebenzi uShivhambu azobe ewenza.

U Zikalala uthi abahleli abajwayelekile, abantu abangabagqugquzeli beqembu abaqikelela ukuthi imisebenzi nemicimbi yeqembu iyenzeka.

Uqhuba ngokuthi uma ubuka isikhundla somhleli kazwelonke (National Organiser) kusuke kukhulunywa ngomuntu oyinhloko yokucwaninga kanye nokuthuthukiswa kweqembu, ukuqapha nokuhlola ukusebenza kuka Hulumeni ikakhulukazi amakhokhasi asezishayamthetho zezifundazwe nasephalamende kanye nokusungulwa kanjalo nokuphathwa kwenhlangano.