Umnyango Wezemfundo Ukhuza Amabhoklolo Ezikoleni

By: Bright Ntuli

Ungqongqoshe wezemfundo KwaZulu-Natal, uKwazi Mshengu, usenxuse abazali ukuthi balekelele nabo ekufundiseni abantwana ukubekezelelana, nokubakhuthaza ukuba bangahlukumezi abanye esikoleni.

U-Mshengu uthi kunabantwana abangamabhoklolo kwabanye abafundi, nokuyinto engaholela ekutheni umtwana ahlukumezeke ngendlela engaze imuyekise ngisho nesikole noma agcine ethathe impilo yakhe.

Usho kanjena nje, sekunenye futhi ivideo esabalele ezinkundleni zokuxhumana eveza iqulu labafundi abafake umfaniswano wesikole ILanga High, esikwa KwaDabeka eClearmont, beshaya
omunye umfundi wentombazane.

Okhulumela uNgqongqoshe uKwazi Mthethwa uthi umnyango usulisukumele loludaba futhi uthalela phezulu.

powered by Advanced iFrame. Get the Pro version on CodeCanyon.