Umqeqeshi weBafana Bafana uHugo Broos unqaba ukukhuluma ngomdlalo we-Liberia.
Written by Ayanda Nyuswa on 25 March, 2023
By: Simtho Dladla
Sekusuke isinamathambo umqeqeshi weBafana Bafana uHugo Broos enqaba ukukhuluma nezintatheli emva komdlalo we-Bafana Bafana neLiberia.
Emva kwalomdlalo wokuhlungela i-African Cup of Nations ophele ngo-2-2, uBroos ukhethe ukuyishaya indiva imibuzo yezintatheli wase ethumela isekela lakhe uHalman Mkhalele.
Izintatheli zishaye phansi ngonyawo zathi azizimisele ukukhuluma noMkhalele kodwa badina uBroos ngokukhulu ukushesha. I-Bafana Bafana ibihamba phambili ngamagoli amabili ngesiwombe sokuqala ngaphambi kokuthi bangenelwe amagoli amabili ngesiwombe sesibili.
Lomphumela usushiye elakuleli lilele isithathu ku-group K emva kwemidlalo emibili banephuzu elilodwa, basele ngamaphuzu amahlanu kwiMorocco eqhwakele phezulu.
powered by Advanced iFrame. Get the Pro version on CodeCanyon.
image: Lefty Shivambu/Gallo Images
