uMsunduzi uthi unezinhlelo zokuvulela izikole amanzi. 

By: Pamella Majola

U Masipala uMsunduzi maphakathi nesifundazwe usukuqinisekisile ukuthi sezikhona izikole osuzivulele amanzi.

Kuzokhumbuleka ukuthi ngesonto eledlule izindaba zeGagasiFM zibike ukuthi kunezikole eziningi ezingaphansi kwaloMasipala, esezivalelwe amanzi ngenxa yezikweletu ezingakhokhiwe.

Lokuvalwa kwamanzi kuholele ekutheni kuphazamiseke nohlelo lokufunda nokufundisa kwezinye zezikole nokubalwa kuzo iSukuma Comprehensive eMbali ePietermaritzburg.

Umasipala kanye nomnyango wezemfundo e KZN ube usubamba umhlangano ophuthumayo oqhamuke nesisombululo sokuthi izikweletu zizokhokhwa kanjani.