UNgqongqoshe Uhambele Umndeni Owahlaselwa USonhlalakahle

By: Zilungile Mkhize

UNgqongqoshe wezokuthuthukiswa komphakathi KwaZulu-Natal, uNonhlanhla Khoza, uthi iminyango eyahlukene kahulumeni seyiqalile ukulekelela umndeni wakwa Khumalo eShowe enyakatho yesifundazwe kulandela ukubulawa kwamalungu awo ayisithupha.

Lomdeni uhlaselwe ngusonhlalakahle ofike wagengca umnyango ngembazo maqede wangena kulelikhaya wavulela ngenhlamvu.

Kulaba abashonile kubalwa ubaba wekhaya ona 70, umkakhe ona 63, abantwana babo kanye nabazukulu abaphakathi kweminyaka engu 29 no 10

uKhoza uhambele lomndeni ukuyobhonga emswaneni, nokuyowuqinisekisa uthi usizo lukhona.

powered by Advanced iFrame. Get the Pro version on CodeCanyon.

Khonamanjalo ikhansela lakulendawo kuWard 7, uPatrick Shange, lithi basathukile ngalesigameko sokuhlaselwa kwalomndeni ngumuntu okhulele phambi kwabo.

powered by Advanced iFrame. Get the Pro version on CodeCanyon.

Umtwana oneminyaka engu-9 ubudala usinde ngokwelambisa ngemuva kokucasha ngaphansi kwesiqamelo esikhulu kusofa abehlezi kuwo.